Awwwards
White One White Two Rose Three Red Four Red Five
კომპანიის შესახებ
ბრენდის ფილოსოფია
ქართული ღვინო
ენოლოგი
კონტაქტი
ვინ ვართ ჩვენ
უნიკალურობა და სიმარტივე
მეღვინეობის 8000 წლიანი ისტორია
დოქტორი დონატო ლანატი
ჩვენ აქ გვიპოვით

“ბადაგონი” 2006 წელს კახეთში, სოფელ ზემო ხოდაშენში დაარსდა. მეღვინეობის ქართული ტრადიციების დაცვითა და ამავდროულად ღვინის მსოფლიო ინდუსტრიაში არსებული უახლესი ტექნოლოგიური მიღწევებისა და მეცნიერული ცოდნის გამოყენებით, კომპანია წლიდან წლამდე იზრდებოდა და დღესდღეობით თამამად შეგვიძლია ვთქვათ, რომ “ბადაგონი” მთელს აღმოსავლეთ ევროპაში უახლესი ტექნოლოგიებით აღჭურვილ მეღვინეობას ფლობს. ჩვენ ვამაყობთ იმით, რომ კახეთის ყველა მიკროზონაში საკუთარი ვენახებით ვართ წარმოდგენილი და ამ ნაყოფიერ მიწებზე თანამედროვე ტექნოლოგიების გამოყენებით, უმაღლესი ხარისხის ღვინოს ყურძნის მხოლოდ ქართული ჯიშებისაგან ვაყენებთ. ბადაგონის პროდუქციის ასორტიმენტი მოიცავს წყნარ ღვინოებს, ცქრიალა ღვინოებსა და ჭაჭას.
ბადაგონი - ეს არის უძველესი ქართული ტრადიციებისა და თანამედროვეობის ჰარმონიული შერწყმის ადგილი.
GAU#5-ს თამამად შეგვიძლია ვუწოდოთ ახალი სიტყვა ქართულ მეღვინეობაში. GAU#5-ის ღვინოები კომპანია „ბადაგონის“ მთავარი ენოლოგის, დოქტორი დონატო ლანატის საავტორო ქმნილებაა და “ბადაგონის” სხვა ყველა ღვინის მსგავსად, ვაზის მხოლოდ ქართული ჯიშებისგანაა დამზადებული. GAU#5-ის კონცეფცია უნიკალური ქართული ტრადიციებისა და თანამედროვე ხედვის ჰარმონიულ სინთეზს გვთავაზობს. ბრენდი ხუთი სახეობის ღვინოს აერთიანებს - თეთრი მშრალი, თეთრი ნახევრადმშრალი, როზე ნახევრადმშრალი, წითელი ნახევრადტკბილი, წითელი ნახევრადმშრალი. GAU#5 შექმნილია ადამიანებისათვის, რომლებსაც ხიბლავთ არაორდინალური, მარტივი და გენიალური მიდგომები.
საქართველო - ეს ის ადგილია, სადაც კაცის ხელმა პირველად დაიმეგობრა ვაზი. არქეოლოგიური კვლევები ადასტურებენ, რომ მეღვინეობის 8000 წლიანი ისტორია სწორედ აქ დაიწყო და შესაბამისად საქართველო მსოფლიო მეღვინეობის აკვანია. ამ ისტორიული მემკვიდრეობის გარდა საქართველო ნიადაგების მრავალფეროვნებითაც გამოირჩევა, რამაც შესაბამისად ვაზის ადგილობრივი ჯიშების ამგვარი მრავალფეროვნება განაპირობა - ალექსანდროული, მუჯურეთული, ოჯალეში, ცოლიკაური და სხვა მრავალი. აუცილებლად უნდა აღინიშნოს, რომ საქართველოში ვაზის 250-ზე მეტი ენდემური ჯიში არსებობს, რაც ყველაზე მაღალი ციფრია მსოფლიოში. შედეგად კი ქართული ღვინო ოდითგანვე უნიკალური და თვითმყოფადია.
მოხარული ვართ წარმოგიდგინოთ კომპანია „ბადაგონის“ მთავარი ენოლოგი დოქტორი დონატო ლანატი, რომელიც მეღვინეობის საერთაშორისო ჯილდოს ღვინის ოსკარის - „Oscar del Vino” მფლობელია და მსოფლიოს საუკეთესო ენოლოგთა ხუთეულში შედის. სწორედ დოქტორი დონატოს საავტორო ღვინოებია GAU#5-ის ღვინოები. დოქტორი დონატო მსოფლიოში სახელგანთქმული ღვინის საერთაშორისო სამეცნიერო ცენტრის "Enosis Meraviglia"-ს (იტალია) ხელმძღვანელია. GAU#5-ის ყველა ღვინო საბოლოო შემოწმებას სწორედ ენოსისის ლაბორატორიაში გადის. დაუოკებელი ინტერესი, ამოხსნას ყურძნის ყველა საიდუმლო, არის მთავარი მამოძრავებელი ძალა და მოტივაცია, რამაც იგი საქართველოში ჩამოიყვანა და ჩვენს კომპანიას დააკავშირა. “დიდ მადლობას ვუხდი საქართველოს იმისათვის, რაც მასწავლა და იმედი მაქვს, რომ სასიკეთოდ მოვახმარ ჩემ გამოცდილებასა და ცოდნას. მე უკვე “ბადაგონის” ოჯახის წევრად მივიჩნევ თავს." (დონატო ლანატი)
ღვინის კომპანია ბადაგონი მოგვწერეთ: office@badagoni.ge დაგვირეკეთ: +995 032 2936243 გვეწვიეთ: საქართველო, თბილისი, თავისუფლების მოედანი #4
English
კომპანიის შესახებ

ქართული ღვინო

ბრენდის ფილოსოფია

ენოლოგი

კონტაქტი
White One
თეთრი მშრალი

ეს ღვინო შექმნა მათთვის, ვისაც კარგად ესმის მშრალი ღვინის ღირსებები. ყურძენი იკრიფება გამთენიისას, მოკრეფისთანავე ლაგდება სპეციალურ ყუთებში, რათა გზაში არ დაზიანდეს და შუა დღის 12 საათამდე მიაქვთ ბადაგონის მეღვინეობაში. ყურძნის გადამუშავების სრული ციკლი მიმდინარეობს რედუქციული მეთოდით, თანამედროვე ტექნოლოგიური სპეციალური ხაზის საშუალებით, რაც საბოლოო ჯამში განსაზღვრავს ღვინის უნიკალურობას.
ღია ჩალისფერი

ფერი
ციტრუსი

სურნელი
დაბალანსებული

გემო
უნივერსალურია საკვებთან
White Two
თეთრი ნახევრადმშრალი

ყურძენს კრეფენ გამთენიისას, მოკრეფისთანავე ალაგებენ სპეციალურ ყუთებში, რათა გზაში არ დაზიანდეს და შუა დღის 12 საათამდე მიაქვთ ბადაგონის მეღვინეობაში. ყურძნის გადამუშავების სრული ციკლი მიმდინარეობს რედუქციული მეთოდით სპეციალური ხაზის საშუალებით. ალკოჰოლური ფერმენტაციის დროს ლაბორატორიული კონტროლის საფუძველზე ჩერდება დუღილის პროცესი ბადაგონის მძლავრი სამაცივრო სისტემის მეშვეობით, რაც საშუალებას იძლევა ღვინოში შენარჩუნდეს ბუნებრივი შაქარის ოდენობა.
ღია ჩალისფერი

ფერი
ხილის არომატი

სურნელი
დაბალანსებული, მოტკბო

გემო
უნივერსალურია საკვებთან
Rose Three
როზე

ყურძენი იკრიფება გამთენიისას, მოკრეფისთანავე ლაგდება სპეციალურ ყუთებში, რათა გზაში არ დაზიანდეს და შუა დღის 12 საათამდე მიაქვთ ბადაგონის მეღცინეობაში. ყურძნის გადამუშავება მიმდინარეობს თეთრი ყურძნის დამუშავების ტექნოლოგიით, რაც საშუალებას იძლევა ღვინოში არ გადავიდეს ზედმეტი ტანინი და ღვინო დარჩეს ბუნებრივად ვარდისფერი შეფერილობის. ალკოჰოლური ფერმენტაციის დროს ლაბორატორიული კონტროლის საფუძველზე ჩერდება დუღილის პროცესი ბადაგონის მძლავრი სამაცივრო სისტემის მეშვეობით, რაც საშუალებას იძლევა ღვინოში შენარჩუნდეს ბუნებრივი შაქარის საჭირო ოდენობა.
ელეგანტური ვარდისფერი

ფერი
ყვავილების სურნელი

სურნელი
რბილი, დაბალანსებული

გემო
უნივერსალურია საკვებთან
Red Four
წითელი ნახევრადტკბილი

ყურძენს კრეფენ გამთენიისას, მოკრეფისთანავე ალაგებენ სპეციალურ ყუთებში, რათა გზაში არ დაზიანდეს და შუა დღის 12 საათამდე მიაქვთ ბადაგონის მეღვინეობაში. ყურძნის ალკოჰოლური დუღილის პროცესი მიმდინარეობს სპეციალურად GAU#5-ისათვის დამონტაჟებულ ჰორიზონტალურ რეზერვუარებში, რაც განსაკუთრებულად მაღალი ხარისხისა და უნიკალური ღვინის მიღების წინაპირობაა. ალკოჰოლური ფერმენტაციის დროს ლაბორატორიული კონტროლის საფუძველზე ჩერდება დუღილის პროცესი, ბადაგონის მძლავრი სამაცივრო სისტემის მეშვეობით, რაც იძლევა საშუალებას, ღვინოში შენრჩუნდეს ბუნებრივი შაქრის საჭირო ოდენობა.
გამჭვირვალე ლალისფერი

ფერი
კენკრის არომატი

სურნელი
მოტკბო

გემო
უნივერსალურია საკვებთან
Red Five
წითელი ნახევრადმშრალი

ყურძენს კრეფენ გამთენიისას, მოკრეფისთანავე ალაგებენ სპეციალურ ყუთებში, რათა გზაში არ დაზიანდეს და შუა დღის 12 საათამდე მიაქვთ ბადაგონის მეღვინეობაში. ყურძნის ალკოჰოლური დუღილის პროცესი მიმდინარეობს სპეციალურად GAU#5-ისათვის დამონტაჟებულ ჰორიზონტალურ რეზერვუარებში, რაც განსაკუთრებულად მაღალი ხარისხისა და უნიკალური ღვინის მიღების წინაპირობაა. ალკოჰოლური ფერმენტაციის დროს ლაბორატორიული კონტროლის საფუძველზე ჩერდება დუღილის პროცესი ბადაგონის მძლავრი სამაცივრო სისტემის მეშვეობით, რაც იძლევა საშუალებას, ღვინოში შენარჩუნდეს ბუნებრივი შაქარი მცირე კონცერნტრაციით
ლალისფერი

ფერი
ალუბლის არომატი

სურნელი
ხავერდოვანი

გემო
უნივერსალურია საკვებთან